පිළිවෙලට කරන්න හිතං හිටියත් අපි අවශ්‍යතාව අනුව මුල්තැන දෙන්න වුනේ ඉංගිරිසිය ඉගෙනගන්න හැටි කියල දෙන්න.. අපි ක්‍රමය හරියට හදාරමු.. මොකද ඒකයි වෘත්තීය මාර්ගෝපදේශනය කියන්නෙ.
ලංකාවේ ඉංග්‍රීසි අධ්‍යාපනය තියෙන්නෙ ඉතාම පහත් අඩියක. කොළඹට තදාසන්න නගරවල හැරැණාම භාෂා භාවිතයේ ලොකු අඩුවක් තියෙනවා..නාගරිකව බොහෝ දෙනා වැරැදියට හරි සෝබනේට ඉංග්‍රීසි කතා කරනවා..ඒ ඉංගිරිසිය නිවැරැදි නමුත් දිරිගන්වන සුලුයි.. බොහෝ දෙනාගෙ ගෙවල් වල ඉංග්‍රිසි ඇහෙන්නෙ කතාවෙන්නෙ නැති නිසා දුප්පත් දෙමාපියන්ගෙ දරැවන් අපහසුතාවයකට පත්වෙනවා සමහර අවස්ථාවලදී.
අපේ අයට ඉංග්‍රිසි බැරැවා නෙවෙයි..වැරැද්ද තියෙන්නෙ උගන්වන අයගේ හා උගන්වන ක්‍රමවේදයේ... හැමදාම නිමල් ගමට යයි, සීතා බත් ඉව්වාය, ලංකාව දියුණුවෙමින් පවතින රටකි...වගේ සාම්ප්‍රදායික වාක්‍ය රටා ඇසුරෙන් උගන්වන කමකට නැති ඒකාකාරී ඉංග්‍රීසිය, බොහෝ දෙනෙක් විසින් මේ ලස්සන භාෂාව එපා කරවයි..ලොව ඇති හොදම දෙය ලියැවී ඇත්තේ ඉංග්‍රීසියෙනි.. අපි සුද්දා අනුකරණය කළ යුතු නැත.. නමුත් ඌව අනුගමනය කළ යුතුය.!
භාෂාවක් රසවත්ය ගොඩනැගීමට අවශ්‍ය දෙය වන්නේ වචනය..ගෙයක් හදන්න ගඩොල් ඕනෑ වගේය.. මළාට පාසල් නොගිය අවුරැදු 16ක ළමයෙකු ඉංග්‍රීසි වචන 25000ක් දන්නා බව සොයාගෙන ඇත! අපි එදිනෙදා කතා කරන වචන වලින් බහුතරය ඉංග්‍රීසි වචනය.!! ඉතින් අපි එපා නොවෙන විදියට ඉංග්‍රීසි කොහොමද ඉගෙන ගන්නෙ... අනික මේ තාක්ෂණික පිටු වල බොහෝ දෑ තියෙන්නෙ ඉංග්‍රීසියෙන්...ඉංග්‍රිසි ඇතිනම් අනාගතය සුබයි..ඒ තාමත් සමහරැ ඉංග්‍රීසියට බය නිසා..
ඉංග්‍රීසිය ක්‍රමවත්ව හැදෑරිය හැකි ක්‍රම දෙකකි..
- ස්වයං අධ්‍යයනය
- ගුරැවරයෙකු හෝ ආයතනික හෝ තාක්ෂණික විධික්‍රම භාවිතයෙන් කරන ඉගෙනීම
භාෂාව දියුණු කරගැනීමට පහත ක්ෂේත්‍ර වල දැනුම අවශ්‍යයි
- ව්‍යාකරණ (Grammar)
- වචන (Vocabulary)
- ලිවීම (Writing)
- අසා තේරැම් ගැනීම (Listening)
මේවා දියුණුකරගත්විට ඉබේම ඉංග්‍රිසි හැදෙයි...
ව්‍යාකරණ - ඉංග්‍රිසි භාෂාවේ අත්‍යවශ්‍යෙයන්ම දැනගතයුතු වියරණ නීති 12ක් ඇත. ඒවා ‘ටෙන්සස් ‘ කියා කියයි. එමෙන්ම කර්තෘකාර, කර්මකාරක (Active voice / Passive Voice) පිළිබදවත් කාල භේදයත් මූලිකව හැදෑරිය යුතුය. මෙහි අප ඉංග්‍රිසි උගන්වන්නට යන්නේ නැති අතර, මාර්ගය පමණක් හෙළි කරන්නෙමු.
වචන මාලාව - විශාල වචන ප්‍රමාණයක් දැනගත යුතුය. හොද ශබ්ද කෝෂයක් මිලට ගන්න..Oxford Advance Learners හොදය. ඒ සමගම මලලසේකර, මධූර, දෙරණ වැනි ශබ්දකොෂ ද භාවිතාවට ගන්න. සාක්කුවේ කුඩා පොතක් තියා ගනිමින් අහුලා ගන්නා වචන ලියා තේරැමද සොයා ගන්න. ඒවා සරල වාක්‍ය වලද යොදවා බලන්න. සති දෙකකට නොව මාසයක සෑහෙන පරිදි Sunday Observer පුවත්පත නිකුත් වේ.. බත් ඔතන්නටද පුළුවන. අමාරැවෙන් ළමා පිටුව හෝ තටමමින් කියවන්න...සිරස්තල සිංහලට පරිවර්තනය කරන්න.
ලිවීම - පිහිනීම ගොඩ සිට කළ නොහැකිවා මෙන්ම ලිවීමද තනියම පුරැදු කළ යුතුය.. ඔබට කැපවීම, උනන්දුව නැතිනම් මේ කිසියක් කිරීම නිෂ්ඵලය..පළමුව කුතුහලය ආසාව ඇතිකරගන්න. එයට වල් කතා වුවද කමක් නැත! දිනපතා කරනා කුප්ප වැඩ වුවත් ඊට අදාළ වචන හොයාගෙන දිනපොතක් ලියන්න.. මුලින් වාක්‍ය අවුල්, පැටළිලි සහගත විය හැකිය...එහෙම එහෙම හරි වැරදියට හරි ලියන්න.. සිංහල ඉංග්‍රිසි ශබ්ද කොෂයක් ඊට වැදගත් වේ.. හොදම විසදුම තමා කොල්ලෙක් හරි කෙල්ලෙක් හරි සෙට් කරගෙන එළිවෙනකං හරි චැට් කරන්න..!
සවන්දීම - අතිශයින් වැදගත්ය.. බොරැවට හෝ ඉංග්‍රිසි FM චැනලයක් ගෙදර පැය 12ක් වත් දමා තබන්න..නිතරම ඉංග්‍රිසි පුවත් මෙන්ම සිංහල පුවත්ද (රෑපවාහිනී සංස්ථාවේ විකාශය වන) එකවිට බලන්න. විදෙස් නාලිකා නරඹන්න. අන්තර්ජාලයේ සැරිසරන්න... වඩා වැදගත්ම ක්‍රමය වන්නේ තමා කැමති චිත්‍රපට ඩවුන්ලෝඩ් කරගෙන් ඉංග්‍රිසි උප සිරැසි සහිතව බැලීමයි..එවිට අධිවේගයෙන් ඉංග්‍රිසි වචන කනට හුරැවේ..යෙදුම් හුරැවේ.. සිංහල උපසිරැසි වලට නම් හුරැවෙන්න එපා!!
මෙන්න මේ පොත් මා විසින් ස්වයං අධ්‍යයනයට හොද යැයි කියමි
- English Grammar and Exercises 1,2,3,4 – L.R.H CHAPMAN
- Advanced English Grammar – Martin Hewings
- Intermediate English Grammar – Raymond Murphy
- Essential English Grammar – Raymond Murphy
- High School English Grammar & Composition – Wren & Martin
- ඉංග්‍රිසියට පදනම - ආචාර්ය ඇන්ටනී ප්‍රනාන්දු
- ප්‍රාෙයා්ගික ඉංග්‍රීසි - මහාචාර්ය සුචරිත ගම්ලත්
තවත් ක්‍රම සහ විධි සමග ආයතනික මට්ටමෙන් අධ්‍යාපනය ලබන අන්දමත් ඊට සුදුසු තැනු ගැනත් මීළග ලිපියෙන්...
